मिसिंग अ मिस्ट्री पुढील भाग...

 

• मिसिंग अ मिस्ट्री माघील भाग वाचण्यासाठी खालील👇🏻 लिंक ओपन करा•
https://nano5117.blogspot.com/2023/04/Gaming5117.blogspot.com_0287696551.html

•मिसिंग अ मिस्ट्री पुढील भाग...

अमर... "काकू...काकू..... आहे का कोणी घरी?" निशांतने भाजीवाल्या काकूकडे आवाज दिला.

"कोण आहे...?" घरांतून काकू बाहेर आल्या.

"काकू मी निशांत... मनु आली का तुमच्याकडे?" त्याने बाहेरूनच विचारलं,

"निशू..? अरे तू...? मनु तर आली नाही रे इथे... का बरं रे?" काकूने गेटजवळ येतच त्याला विचारलं.

अ... काही नाही काकू.. ती घरी नव्हती ना.... म्हणून वाटलं की

तुमच्याकडे आली भाजी वगैरे विकत घ्यायला..."

"नाही रे... आज आलीच नाही ती नाहीतर रोज एक चक्कर होते तिचा भाजीचं काही आहे का म्हणून... एक काम कर ना त्या पलिकडच्या भाजीवाल्या दादाकडे विचारून बघ... आमच्याकडे भाजीचं नसल्यावर ती त्यांच्याचकडे जाते भाजीसाठी" काकूने सुचवलं.

"बरं काकू जावून बघतो तिथे..." अस म्हणून निशांत पलिकडच्या भाजीवाल्या दादाकडे गेला तर भाजीवाले दादा फेरीवर गेलेले होते. त्यामुळे त्यांच्या घरी भाजी मिळणं कठीण होतं,

म्हणजे ही इथेही नाहीये तर... मग कुठे गेली असेल ही...?' त्याच्या

मनात प्रश्न आला आणि आता तिला कुठे शोधावं हा मोठा प्रश्न त्याच्यासमोर उभा राहिला.

'शेजारच्या ताईला किंवा मग घरमालकाच्या मुलीला माहित असेल का?' त्याच्या मनात विचार आला आणि तो लगेच घराशेजारी राहणाऱ्या ताईकडे गेला. पण ती कुठे गेली आहे हे त्यांनाही माहित नव्हतं.

घरमालकाच्या मुलीचंही तेच उत्तर मनु कुठे गेली ते तिलाही माहित नव्हतं. इथून ती कुठे जाणार आहे का? हेही तिने तिला सांगितलेलं नव्हतं.

'कुठे आहेस यार तू मनु? एक तर सांजवेळ उलटून गेलीय आणि रात्र व्हायला लागलीये आता आणि तू आहेस की घरी यायचं नावच घेत नाहीयेस... माझ्या बोलण्याचा काही राग आलाय का तुला? पण मी तर काहीच बोललो नाहीये तुला... भांडणही झालं नाहीये आपलं... मग कुठे निघून गेली आहेस यार तू...?' त्याने मनातच तिला विचारलं आणि तिच्याबद्दल विचार करून त्याला आता खूपच रेस्टलेस वाटायला लागलं होतं.

तो परत घरांत आला... परत तो घरातला पसारा बघून त्याचं डोकं ठणकलं आणि आता त्याने स्वतःच झाडू घेतला आणि घर झाडायला सुरुवात केली. घर झाडता झाडता त्याची नजर ड्रेसिंग टेबल जवळच्या एका कोपऱ्यात गेली. त्याने तिथून झाडू मारला आणि तिथून तिच्या फुटलेल्या बांगड्याचे तुकडे बाहेर आले.

'हद्द आहे यार हलगर्जीपणाची...!! बांगडी फुटली तर काचा तरी बाहेर फेकायच्या ना हिने? एक तर घरांत लहान मुलगी खेळते आपल्या, तिच्या हाताला लागलं किंवा कापलं तर...? मनु यार किती समजवायचं यार तुला?' तिच्या बांगड्यांच्या काचा झाडून डस्टबिनमध्ये फेकतच तो कुरकुरला.

'घरी आलीस की, खडसवायला हवंय तुला' तो मनातच म्हणाला आणि त्याने आता किचनमध्ये असलेला पसारासुद्धा आवरायला घेतला. त्याची आलीय वाटतं....?' त्याने स्वतःलाच प्रश्न केला आणि तो हातातले काम सोडून लगेच दार उघडायला गेला. त्याने दार उघडलं आणि दारात ती नाहीये हे बघून त्याचा चेहराच पडला.

" का बरं रे असा चेहरा केला? मी आलो ते आवडलं नाही का तुला?" सोनूने म्हणजेच त्याच्या लहान भावाने विचारलं तसा निशांतने हताशपणेच सुस्कारा सोडला. तो दारातून बाजूला होवून परत किचनमध्ये गेला.

"दादा... काय झालंय? असा का बरं दिसत आहे तू? आणि वहिनी कुठे आहे?" सोनुने त्याच्या पाठोपाठ किचनमध्ये येतच त्याला विचारलं तसा निशांत हताशपणेच म्हणाला.

"नाही माहित कुठे गेलीय ती..."

"नाही माहित म्हणजे? का बरं तुला काही सांगून गेली नाहीये का ती?" सोनुने आश्चर्यानेच विचारलं.

"नाही ना सोन्या... मी घरी आलो तेव्हा नव्हती ती घरांत... आईने सांगितलं नाहीये का तुला?"

"नाही बुवा... आई काहीच बोलली नाही... ती म्हणे वैदूला घेवून जा म्हणे घरी... आणि तिला जेवू घालायला सांग म्हणे वाहिनीला... बस इतकंच"

"पण तिला जेवू घालायला तुझी वहिनी तर लागेल ना इथे...? आणि ती कुठे गेली आहे हेही माहित नाहीये आपल्याला "

"दादा तिच्या कोण्या मैत्रिणीकडे गेली असेल तर विचार ना"

"तुलाही माहित आहे ना तिला जास्त मैत्रिणी नाहीयेत इथे म्हणून...'

"हो पण ज्या आहेत त्यांना तर विचारून बघ..." सोनू म्हणाला तसा निशांत विचारांत पडला.

त्याने लगेच तिच्या त्या दोन तीन मैत्रिणींना कॉल केला पण त्यांनीही मनु त्यांच्याकडे आलेली नाहीये हे सांगितल्यावर तो हताश होवूनच बेडवर बसला.

आता तिला कुठे शोधावं हाच मोठा प्रश्न त्याच्यासमोर उभा राहिला होता. 

• राहिलेला भाग उद्या टाकण्याचा प्रयत्न करील.

• स्टोरी कशी वाटली ते खाली कमेंट करून सांगा.🙏

 माघील भाग पाहण्यासाठी माझ्या खालील👇🏻 लिंक ला भेट द्या.

https://nano5117.blogspot.com/2023/04/Gaming5117.blogspot.com_0287696551.html

•माझ्या व्हाट्स अॅप  ग्रुप ला ऍड होण्यासाठी खालील लिंक ओपन करा👇🏻

https://chat.whatsapp.com/HHLpwgLKsck3B0uqrkUGp1